كلمات لطمية قريباً في محرم سيد فاقد الموسوي مكتوبة كاملة
تحميل قصيدة قريباً في محرم سيد فاقد الموسوي, قصيدة قريباً في محرم سيد فاقد الموسوي مكتوبة كلمات
.jpg)
#قريبا_في_محرم
قريباً في محرم .. نرد بالخدمة نلتم
سنة نتاني قدومه .. الفرحة والدمعة
يفرحنه بمواكب .. يبچينه بمصايب
هلا بگد الزيارة .. موسم الفزعة
ـــــــــــــــــــــــــــــــــــــــــــــــــــــــ
بقى گلي شبقى فترة قليلة
ترد تكتب رسايلها العليلة
هلا بشهر الركض شهر المجالس
ولكن مو هلا بسبي العقيلة
عد الله كل يوم بألف بالاية من نقراها
عد الله مات حسين امس هنا ايته معناها
يعني للحسين الارض بس فاتحة سواها
شتحبه اكثر انت .. اذا الله بعظمته
يگله حسين احبك يا ابو التسعة
جنون الخدمة واجب .. يبچينه بمصايب
هلا بگد الزيارة موسم الفزعة
ـــــــــــــــــــــــــــــــــــــــــــــــــــــــ
عاشور النبي واحنه المدينة
نقرا طَلَعَ الحزنُ علينا
ماكو واحد يتاني البواچي
من ذيچ السنة نتاني يجينه
مية هلا بشهر العمر من الگلب نادينه
الماحومرت چفه لطم المن يضم چفينه
الما شالهن وكت العزه ماشال باچر عينه
ملك يوم القيامة .. اليجي بصدره علامة
الوگع من البواچي فاطمة ترفعه
ينول اعله المراتب .. يبچينه بمصايب
هلا بگد الزيارة موسم الفزعة
ـــــــــــــــــــــــــــــــــــــــــــــــــــــــ
الحُسين يوزع ادوار الخدامة
بعد كلمن تظل هوَّ وغرامه
ابو الموكب بده يخيط سواده
وبده الشاعر تره يحضر كلامه
كلها تموت الا الخدم يرجع محرم ترجع
گالوا ابنادم لو نزل من الگبر مايطلع
چا ليش يقره كل سنة حمزة الزغير نسمع
ابو ماعدنه غيره .. ابو جروح الچبيرة
يجمعنه بعزاءه .. الميت يرجعه
نظل جيته نراقب .. يبچينه بمصايب
هلا بگد الزيارة موسم الفزعة
ـــــــــــــــــــــــــــــــــــــــــــــــــــــــ
احب وچي احب عل منبر اقره
شسوي بالثواب وجنة خضرة
تره الجنة الحسين يگلي عفية
تحولني نبي منعنده نظرة
عاشور لو مو كل سنة عاشور لو يومية
راحتنه مو بالبيت ابد راحتنه بحسينية
شنسوي مانلحگ ابد زينب مشت مسبية
على زينب حَچينه .. شرف عدنه بچينه
اليگلك لاتبالغ .. هذا لتسمعه
تره المهدي يعاتب .. يبچينه بمصايب
هلا بگد الزيارة موسم الفزعة
ـــــــــــــــــــــــــــــــــــــــــــــــــــــــ
الينقدك عوفه لتسويله واهس
السوالف الهم والنه المجالس
الحچو والماحچو عدنه عقيدة
منو يوگفه الوگف بعيونه عابس
نشكر الخالق چي خدم من الزغر خلانه
وشما يضيعنه الوكت اهنا بالعزه تلگانه
الله ومُحمدنا وعلي وام الحسن ويانه
نموت اعله الشعائر .. نوقع بالمناحر
اويه ابو الاكبر كبرنه نلطم وننعى
لحد شيب الحواجب .. يبچينه بمصايب
هلا بگد الزيارة موسم الدمعة
ـــــــــــــــــــــــــــــــــــــــــــــــــــــــ
✿ اداء : سيد فاقد الموسوي
✿ الشاعر : حمزة السماوي
اجمل لطميات سيد فاقد الموسوي
حنيت الك سيد فاقد الموسوي
حنيت الك سيد فاقد الموسوي مكتوبة
أغاني سيد فاقد الموسوي
فيديوهات سيد فاقد الموسوي
لطميه سيد فاقد الموسوي
قصائد سيد فاقد الموسوي مكتوبه
سيد فاقد الموسوي يروحي الاحبهم
سيد فاقد الموسوي يمه يايمه
سيد فاقد الموسوي يا دنيا
سيد فاقد الموسوي يروحي الاحبهم مكتوبه
سيد فاقد الموسوي يانوك
سيد فاقد الموسوي يازينب