كلمات لطمية عدكم عليلة مسلم الوائلي مكتوبة كاملة
تحميل قصيدة عدكم عليله مسلم الوائلي, لطمية عدكم عليلة مسلم الوائلي كلمات
.jpg)
قصيدة | عدكم عليلة
أداء | مسلم الوائلي
كلمات الشاعر | مرتضى حرب
____
يا بويه ليش ايدور ياهو الاجيله
ما بيه حيل افراگ عدكم عليله
جلمه حاجوني . . . بيها صبروني
بيها صبروني . . . عدكم عليله
_____
شو محد منكم گال ابنيتنه
دمعتها بخدها وتريد ويانه
خاف مزعلتكم خاف امتعبتكم
تدرون بحالي هم معذوره انه
انعاف شلون وانه بهاي الحاله
تريد عيون فرگتكم جتاله
شو تبجون وكلمن لم عياله
شلون تهون دمعاتي الهماله
دمعات عيوني ما كسرن خاطركم
ليش اتفردوني هم انه ابنيتكم
راح اتعوفوني وجروحي بعازتكم
اي شي حاجوني شو طالت سكتتكم
گلولي ما ترحين گلولي ترحين
هذا السكوت يگول جنكم مبعدين
جلمه حاجوني . . . بيها صبروني
بيها صبروني . . .عدكم عليله
_____
يعطش للملگه گلبي وما الگه
حل يقنعني ويصبر روحي
تحملون اگبالي وعيوني تراقب
كلمن گل بنته لمجانج روحي
ومحد گال جلمة امشي ويانه
وانه بحال اكثر من تعبانه
بس اخيال وداعتكم خلصانه
ما انشال وتعبكم امشي انه
شو كلشي يگلي هنا راح تعوفوني
مروتكم يهلي ترضون اتعبوني
السكته اتبينلي تظل وحدها عيوني
محد عاينلي هل گد تهظموني
شو ما حسبتوا حساب بنيه بضعنكم
شيظل يالمحملين بيه بهجركم
جلمه حاجوني . . . بيها صبروني
بيها صبروني . . . عدكم عليله
_____
يا كسرت گلبي راح ارجع وحدي
للدار الخالي الوحشه بلياكم
ثگلن عبراتي ثگلن خطواتي
خلصانه وشيظل بيه بفرگاكم
راح يروح شوف عيوني وياكم
ظل مجروح گلبي الما ينساكم
بس للنوح تظل روحي بلياكم
يعذب الروح مو هين فرگاكم
انه بنيتكم فرگتكم تاذيني
راح اتنطركم لأخر دمعه بعيني
جانت لمتكم يهلي تلم سنيني
وصارت فرگتكم وظل كلشي يبجيني
يكلفني حيلي الظال ادري بهجركم
بدرب الوجع يحنان راح انتظركم
جلمه حاجوني . . . بيها صبروني
بيها صبروني . . . عدكم عليله