كلمات قصيدة شمس الكوفة باسم الكربلائي مكتوبه كامله
📜قصیدة : شمس الكوفه
✒للشاعر : میرزا عادل اشکناني
لیلة الخامسه من محرم عام ۱۴۳۷ فی حسینیة
المرحوم الحاج داود العاشور البصره (ابوالخصیب)
هاذي طوعة والنعم خذت من مسلم عزم
رغم ماهیّه مره تسوه آلاف الزلم
☀⚡☀⚡☀
الليلة راح اکشف حقائق واسمع القول الصریح
عن شریفه وحده گالت مایصح الا الصحیح
لاهی ساره او لاهی هاجر لا و لا ام المسیح
هذي وحده من سیوف احسین ابو الیمه الذبیح
احچایه عندي ابهالمسه .. الوحده من خیر النسه
منهو هذي الیاتره .. تسوه آلاف الزلم
☀⚡☀⚡☀
راح اسولف عن مره مظلومه بخبار الکتُوب
طوعه شمس الکوفه ذیچ الماتغطیها السُحب
ربنه لو یأذن جهاد المرأة تدخل بالحرب
چان شفنه طوعه شتسوي ابحربها من تطب
وین مسلم لوتهد .. الزلم منها ترتعد
السیف لمن تشهره .. تسوه آلاف الزلم
☀⚡☀⚡☀
ابد ماتعني الشجاعه سیف بالحومه فقط
الشجاعه اتکون حازم بالمواقف یُشترط
طوعه ویه الکوفه چانت ماکو عدها حل وسط
اوعدها بس مسلم سفیر الحچیه مایقبل غلط
الخانو ابمسلم عهد .. مایهمونه بعد
عنده حرمه ابعسکره .. تسوه آلاف الزلم
☀⚡☀⚡☀
اویه السفیر امن البدایه چنتی غصباً عالخطر
یالفتحتي گلبچ او بیتچ المسلم و استقر
واللّٰه خی عونچ یطوعه ابدارچ امضیف گمر
والف هنیالچ یمن شرّبتی بچفوفچ بحر
فرشي دارچ بالرمش .. ضیفچ الیله العرش
والعیون الساهره .. تسوه آلاف الزلم
☀⚡☀⚡☀
من تعنه للحرب وابربّه مسلم مستعین
گلتي روح امودع ایعینک امیر المؤمنين
مدري عوذتیله سیفه ابسورة الفتح المبین
لو قریتیله اعله راس الفاتحه لأم البنین
ویه مسلم من برز .. اعد صحتي امن ارتجز
صیحتچ بالزمجره .. تسوه آلاف الزلم
☀⚡☀⚡☀
ابظهرچ المحني یطوعه اویاه چانت وگفتچ
او شیبتچ بالراس بیضه اهواي تشبه نیتچ
الکوفه لو نعصرها مایطلع ربُع من غیرتچ
اوجیش ابن ازیاد کله ایروح فدوه الشیلتچ
الکوفه خانت بالوعد .. وانتي صحتي لا ابد
غیرتچ یمخدره .. تسوه آلاف الزلم
☀⚡☀⚡☀
حین شفتي الجیش گاصد وعله دارچ مجتمع
لذتی خلف الباب حتی لا علیکم یندفع
بس اگول الحمدللّٰه من کسر منچ ضلع
اولا طلع مسلم امفرّع راسه وایهل الدمع
طوعه بالزهره اقتدت .. عن ولی اللّٰه ادفعت
ابهالشرف والمفخره .. تسوه آلاف الزلم
☀⚡☀⚡☀