كلمات قصيدة عاشور هل هلاله باسم الكربلائي مكتوبه كامله
قصیدة: هل هلاله - مکتوبة
للشاعر: سید سعید الصافي الرمیثي
محرم ۱٤۳۸ هـ. اللیلة الثانیة
●●●●●🔻●●●●●
عَـاشـور هَـل إهـلالـه
مَأجُــور بإستقــباله
●●●●●🔻●●●●●
علی اخدودي شِجـاهه إدموعي هَمَّـاله
شَهَـر عـاشـور گالـوا بَیَّن إهـلالـه
●●●●●🔻●●●●●
صِحِت لا هله ابجیتک عسن لا هَلّیت
عساهه ابرُمَد عیني و لیک ما صَدّیت
غیر النایحه ابدارِ الوحي اشخَلّیت
بَچّیت الرسول المصطفی و آله
●●●●●🔻●●●●●
یا شَهرِ المصایب و اللطم و النوح
إهلالک لمّن انشوفه ابسِمانه ایلوح
یِهَیّج کِل مَدامِعنه علی المذبوح
یِخَبّرنه إشجَره إعلی حسین و إعیاله
●●●●●🔻●●●●●
یَـ لشَهرَک إهلاله ابکل سَنَه اِمنِ ایهل
کِل ابیوتنه بیها المناحه اتحِل
وَحَّدها الدموع إعلی الوَجِن تِنزِل
و إعلینه السَواد ایلوگ تِفصَاله
●●●●●🔻●●●●●
نِذِب لون البَیاض و نلبس الأسود
یالجمرة مصابک بینَه ما تُبرَد
و لیوم الحشر یحسین تتوَگد
و المکسور گلبه النوح یحلاله
●●●●●🔻●●●●●
یابوالیِّمه وَ حَگ ضلع أمکِ المکسور
علینه مِن نشوفه ایهل شَهَر عاشور
ابکل شریان دَمنه یا ذبیح ایفور
هذا الـ یِفدي دَمّه و ذاکَ أمواله
●●●●●🔻●●●●●
ابکل مجلس إلک خِدَّام مِجتَمعه
بین الشاعر و بین إلّذي یِنعَه
و بین الینطي ماي ابحَسّره و ابدمعه
ما بین إمحَزِّم و العَزِم شاله
●●●●●🔻●●●●●
شِیقَدّمون یحسین الیِخِدمونَک
یالسِلبوا اِثیابک ما یِجَازونک
و چَم خادم صُبَح یحسین مجنونک
مثل عابس ابحُبَک یِنوِصِف حاله