متابعي موقع درون العراق في هذا المقال نقدم لكم
قصائد الرادود الحسيني مسلم الوائلي مكتوبة
كلمات قصيدة يحسين اليريد يموت مسلم الوائلي
🎤 أداء: مسلم الوائلي
🖋 كلمات: حيدر سامي السعدي
~~~
يلما لاگيلك ناس يشيعون
وديلي جروحك يحسين امتون
لاگيت الموت الوحدي
ما عندي احد ما عندي
وديلي جروحك يحسين امتون
~
انه الشلت همك من غربوا اسمك
وانه المثل دمك فارگت الفياي
انه الصحت وانته المات اعله صوت اخته
شو گلبي موته وما صحت فوگاي
اضغط هنا لمتابعتنا على التلكرام
طايحلك ركض عاشور والشوج الترس جدمي
انه اختك واموت عليك بس اعتاز اخو يمي
كون المعطلك خنصرك خليه ضايع
يحسين غمض للعمن باربع اصابع
يحسين افراگك وصلني الموت
ويا گلبي الليله بلون التابوت
من يومك بيه العازه
واختك هاليله اجنازه
وديلي جروحك يحسين امتون
~~~~
گوه العمر گوه لا خدر لا خوه
عاشورك شسوه وشخله بينه
تفارگنه بالخيمه تلاگينه بالهيمه
كلمن نعه ضيمه بدموع عينه
شفت راسك ركضت عليه صحت ها خويه راجعلي
ما شفت الرمح يحسين حسبالي انته واگفلي
من شفتك بكيف الرمح يحسين تندار
بالنار ومن الصدمه ما حسيت بالنار
لو تدري بگلبي ساعتها شصار
حرت اطلع يمك لو اظل بالنار
ومن اطفالك ركضولي
تميز للوادم طولي
وديلي جروحك يحسين امتون
~
ما طاح من ثوبك خيط اعله يعگوبك
عميان وغروبك سلمنه لليل
يا زينب ارتاحت يا دمعه ما طاحت
لثيابك الراحت بحوافر الخيل
يحسين اليريد يموت يدلل عله اعزازه
جا الم ثوبك من الخيل رايته غطه جنازه
ضميته عطرك وركضت بس من طحت طاح
مثلك تطشر بالهوه وراح العطر راح
شيعود الوگفه البالخيمه وياك
البيها اشتم عطر واصفن بشفاك
البيها انگل تعب اجتافك
واحسب بجروح اشفافك
وديلي جروحك يحسين امتون
~~~~
تانيتك وانه موتني المتانه
يحسين تعبانه كربله تعبي
انه الشفت ذبحك وشيعتك برمحك
انه العشت جرحك ونشلع گلبي
خفيفه جنازتي يحسين وما اتعبك بشيلتها
واختك يا غريب اختك يصيحون بجنازتها
وين انه يالميت عطش من غربتك وين
كون الحصيره اللمتك لمتني يحسين
حافر عالحافر جروحك يحسين
بس انه جروحي وين اعله الوين
وين اهلج صاحوا بيه
هاي جروح المسبيه
وديلي جروحك يحسين امتون
~~
وينه الكسر ظهرك والحيرك بمرك
والضوه كل شعرك عباس وينه
شو ما نشد گلبه وعاف اخته بالغربه
ينساني لا صعبه وادري بحنينه
سلملي عله العباس وگله الدنيه مو هيه
جا يمته الگه الي خاطر وگولن موش مسبيه
تتباهه يحسين الاخت بخوانها هواي
وين الله ولگاكم دمع وصياح فوگاي
من الشام اخلص لا هاي احلام
شينوم عيني بتراب الشام
موتي الوحدج يا زينب
محد لفراگج ينحب
وديلي جروحك يحسين امتون
كلمات قصيدة يمتعب ابوي مسلم الوائلي
🎤 أداء: مسلم الوائلي
🖋 كلمات: محمد الغزي
~~
يمتعب ابوي ..
ليش يا بعد اختك اتعبنه ليش
يمتعب ابوي ..
عيش حته حسينه يگدر يعيش
يمتعب ابوي .. يمتعب ابوي
~
نخوه ناخيتك يالاكبر
طالعه أرد اتعنه ليك
انتخيمن يخو سكينه
غير اخيي وانتخيك
طيحة الحرمه اعله اخوها
ارد اطيحن من اجيك
انته تدري حسين عايش
يا علي اعله الله وعليك
علي اليكسر خاطر اخته مو اخو
علي من تموت نبقه بلا ابو
يمتعب ابوي ..
ضايعين اخلاف عينك ضايعين
يمتعب ابوي ..
حسين بس هسه بعد ماكو الحسين
يمتعب ابوي .. يمتعب ابوي
~~~~
يا ابو ستري ويا ابو غيره
وتستحي يطلعلي صوت
هسه اصيحن وانته ساكت
طابلك خويه السكوت
علي تغمض والشوارب
ناويه البيتك تفوت
حالفه اليوم اعله جسمك
لو اگعدك لو اموت
اگعد اگعد هذا وكتك موش نوم
گوم لا تنگال هسه اتندهه اخته وما يگوم
يمتعب ابوي ..
السالفه المو حلوه ما نرضاها ليك
يمتعب ابوي ..
بختك ولا بيك ذني الخويه بيك
يمتعب ابوي .. يمتعب ابوي
~
حايره بضيم ابوي
الظال يفتر ماكو راي
هاي مو منك يالأكبر
موش منك خويه هاي
اركض وصاحولي ميت
يا علي خلافك وراي
انه عطشانه اعله اخيي
موش عطشانه اعله ماي
عين روحك يله نرجع راي ابوي
انه ما متعوده تغفه كون ميت موش اخوي
يمتعب ابوي ..
تريدني انعه عليك وابجي
يمتعب ابوي ..
راح اعثر روحي يمك حته تحجي
يمتعب ابوي .. يمتعب ابوي
~~•
كون ناوي اتموت يكبر
خدر اخيتك حسبه ضاع
كون گايل راح اموتن
حته احسب للوداع
مو خبر موتك يالأكبر
شيب فوگ امتوني شاع
الاخته سكنه يموت واگف
ما يتجوله اعله گاع
عليك ابو فاضل يبعد الرايحات
رايد اتگوم وتجذب طاري مات
يمتعب ابوي ..
بطيحتك خيمتنه حسب طايحه
يمتعب ابوي ..
روح ابوي وموش روحك رايحه
يمتعب ابوي .. يمتعب ابوي
~~
يا حنين الگطع مو حل
هذا طبع المو حنين
زين ما ظل عدنه يكبر
كلشي عگبك ماهو زين
جان خير من الله ابونه
وهسه ابونه بلايه عين
علي ما كاتلني فگدك
انه كاتلني الحسين
محير حسين اعله كبره بشيبه
يطيب بس بشوفتك اي طيبته
يمتعب ابوي ..
حسين ما يستاهل تعوفونه
يمتعب ابوي ..
موتوا بس هدلتوا ليش امتونه
يمتعب ابوي .. يمتعب ابوي
كلمات قصيدة على بابك خليني مسلم الوائلي
🎤 أداء: مسلم الوائلي
🖋 كلمات: ابو حميدة الشويلي
~~
على بابك خليني حبيبي حسين
~
سنة حب وحزن ودموع وآهات
سنة غربه ومواجع للغريبات
ذاك العام فايتنه بجي هواي
نريد بهالسنه نگضيها دمعات
~~~~
وعد هاي السنه ننذرها لحسين
مجالس خدمه مشايه وزيارات
كل عام وجرحنه يبقه ملجوم
عله جسم الغريب البالترب بات
~~
كل عام وحزنه العصرة الباب
وليالينه الليالي الفاطميات
كل عام احنه نكبر مو عمر لا
نكبر دمعه نبجيها بعزائات
~~
وثاني امنيه بگلب اليخدمون
انزور اللي گبرها اتحيطه شمات
الشام الشام كون انجهبه ونصيح
هنا خدر الفواطم بالخجل مات
~~~~
والأمنيه الأكبر هالسنه انگول
نطلبها بدمع غيره ومواساة
انگول ان شاءالله بهاي السنه انشوف
خبر عاجل بشاره من السماوات
طلع طلاب حگ المات عطشان
ونتلاگه ابو صالح بالصلاوات
وعلي انتانيها هاي الساعه للموت
جمرة ثار بينه وتطفه هيهات
كلمات قصيدة اتكوم لو لا مسلم الوائلي
🎤 أداء: مسلم الوائلي
🖋 كلمات: علي مالك الموسوي
~~~~
حسين حسين .. حسين حسين
~~
ها حسين بگلبي جلمه وراده
وحگ عينك خويه اجيتك شارده
اتگوم لو لا ...
فدوه بس جزي بناتي اتگوم لو لا
اتگوم لو لا ...
لامه الدنيه ابعباتي اتگوم لو لا
صح انته طايح وادري مهظوم
بس انه اجيت ولازم اتگوم
مثلوم گلبي وجبدي مثلوم
لا شفتك ولا شايفه النوم
اتگوم لو لا ...
شوف كضولي الثنيه اتگوم لو لا
اتگوم لو لا ...
خذوا من عندي رقيه اتگوم لو لا
~
خويه جا ينطيك گلبك غافي
عاد گللهم خطيه وكافي
ما عرفناه ...
حسين موش حسين روحي ما عرفناه
گلبيناه ...
ماكو شي ما ساحگينه گلبيناه
كون اگدر احجيلج عليه
وشگاعد يسوون بيه
شما اصير زين وهدوا الخيل
يسحگوني ومجتفين اديه
ما لگيناه ...
شكثر دورنه اعله جسمك ما لگيناه
تعبيناه ...
وگاموا يصيحون كلهم تعبيناه
~~
صدگ صارت بعد ما نتلاگه
شوف زينب راكضه ومشتاگه
علي وياه ...
موش بس حسين ذبحوا علي وياه
طشريناه ...
زينب اتلم همه صاحوا طشريناه
كلشي البالك خويه سووه
حته مهد عبد الله حرگوه
كلما طفل يشتاگ لحسين
جابوله راسك خويه راووه
حضريناه ...
سوگ كامل للعلاوي حضريناه
غاد وهنا ...
هو نفس الضيم زينب غاد وهنا
~
حجي يتعب بس اريد احجيها
عمامتك شفت الدمه غاطيها
زينب احاه ...
ميت وصاح ابو فاضل زينب احاه
گتله ويلاه ...
وين عينك وين جفك گتله ويلاه
يابو العيون الواسعه هواي
جدامهم بس اوگف وياي
الما طالعات ابابهن شوف
نسوان هاشم كلها حفاي
عاتبيناه ...
تدري خويه انته النحبه عاتبيناه
موتي هنا ...
شلي بالشام انه اريدن موتي هنا
~~~
خويه وصلوا فتش عويناتك
لابدات بسدك ابنياتك
اتگوم لو لا ...
ادري تعبتك يجبدي اتگوم لو لا
اتگوم لو لا ...
لجن غيرك ياهو عندي اتگوم لو لا
مابيه اگون وداعت ام عون
بس وخري عنهم خل يسحگون
دربالج اعله عيون الحسين
يا رايحه ويا عميه العيون
وآحسيناه ...
رايحه وضليت اثغب وآحسيناه
مات عفناه ...
عدل بس من گتله اروحن مات عفناه
كلمات قصيدة يم الزهره لو يم الغريبات مسلم الوائلي
🎤 أداء: مسلم الوائلي
🖋 كلمات: حسن الترابي
~~
عين اعله الزجيه وللنحر عين
ياهو اليوجع اكثر فاطمة حسين
وين بيا عذاب عيونك اتبات
يم الزهره لو يم الغريبات
فاطمة حسين .. فاطمة حسين
~~~~
يا جرح اكثر يلجمك
عاشر الطف عاشر امك
وانته ما بين الخيم والزهره ذابل
الغربه بعيونك عبايه
تشبه عيون السبايه
وانته تتمايل حزن مثل المحامل
من كل كتر مجروح گلبك وانته ذبلان
تتباوع من الخيمه ومن الباب دخان
.. حاير
ليليه باب الزهره فوگك ينطبگ حيل
وتلحگك من العاشر اعله ضلوعك الخيل
.. صابر
يم جروحك زغيره السماوات
وين بيا عذاب عيونك اتبات
فاطمة حسين .. فاطمة حسين
~
اللجمه بجروحك تسافر
ساعه باب وساعه حافر
يسحگ حسين وأثر خله اعله صدره
وركضت الناس الرخيصه
اتسلب اخيامه وقميصه
زينب من الخيمه طلعت وانته ادره
ركضت عليه وحسين فوگ الغبره عريان
وتغطه بجروحه وبجه وگال الها عطشان
.. وينك
شال ايده والصوت انگطع من شاف الخيام
گام الها نص ونص الأخر منه ما گام
.. حسينك
حسين من الهظم مو من عطش مات
وين بيا عذاب عيونك اتبات
فاطمة حسين .. فاطمة حسين
~~~~
بيا حزن يا غربه نسئل
انته يم الزهره عالتل
لو تلم بحسينك وهايم بقيت
صادفك شيبه اعله جيده
لو ضعت وي خنصر ايده
لو تدور عن حصيره وما لگيت
يا حيرتك وجروحك بگد عمر الغياب
وكلما يطول يكبرن من حسين والباب
.. وحيلك
يتبده بين المحسن وعبدالله والشام
وللزهره نار بصدرك ونار من الخيام
.. دخيلك
يمتد حزنك بكل المسافات
وين بيا عذاب عيونك اتبات
فاطمة حسين .. فاطمة حسين
~
جروحك هواي وغربتك
تكبر وتزغر دمعتك
والغريب يلجمه كلشي بگلبه راح
ادري مو هينه اعله گلبك
واعتذر لو جاي اعذبك
بس يغايب يمته زينب تستراح
جابتها ضيم يوازي ضيم وسود الأيام
ما كسرت التل للظهر والكسرته الشام
.. صاحت
يمته الله بيك يعاود ونتلاگه يفياي
ونلم الحسين ونگعده ويشرب الماي
.. ناحت
يجرح بالعتب صوت الحنينات
وين بيا عذاب عيونك اتبات
فاطمة حسين .. فاطمة حسين
كلمات قصيدة عالهادي شايل جم جرح مسلم الوائلي
🎤 أداء: مسلم الوائلي
🖋 كلمات: علي أكبر الغرابي
~~~~
حيل استحي من عيونك
لو ردت اگول شلونك
يا ليل ما جاسك صبح
عالهادي شايل جم جرح
يابو صالح .. يابو صالح
~
بكل محطه من الليالي
صبرك يودعله غالي
وسيفك ايبات اعله ثاره
جروحي من گد ما تحبك
سالفتها شوكت گلبك
يستراح وتطفه ناره
سولفلي الجرح مرات
يرتاح اعله سالفته
ما يفهم حجي الدخان
بس الناره حارگته
تجويني ليش بنارك
يالدمعتك خطارك
جا يمته گلبك ينشرح
عالهادي شايل جم جرح
يابو صالح .. يابو صالح
~~~
يا بعد طولي شعلامك
محني گالوا ظهر امامك
عله الهادي وبان كسره
وفشله اسولفلك عليهن
يابو صالح وادري بيهن
دموعي موش دموع حمره
دليني اعله جرحك وين
ذاك الما وگف نزفه
خايف لا يجيسك غيض
وانته ارويحتك ترفه
يا ترف بس جروحك
كلش عزيزه بروحك
ويوميه بيهن تنذبح
عالهادي شايل جم جرح
يابو صالح .. يابو صالح
~~~~
بيا فله ويا صحره غايب
ويا مصيبه من المصايب
خذت منك ليل عمرك
السالفه وما بيها خايف
تعثر بروحي السوالف
لو ردت عالهادي اصبرك
سامحني اليحب مرخوص
من يحجيها عالفطره
ليش الدنيه مره وياك
وانته ملوحة الزهره
المثلك بهاي الحاله
سهم الهجر جتاله
والفرگه بجروحك ملح
عالهادي شايل جم جرح
يابو صالح .. يابو صالح
~~~
ونة الفاگد ثگيله
من تبوگ الغربه حيله
تاكل بروحه المشاعر
والله حگ لو مال طولك
كلهم اعزاز المشولك
وانته ديره جروح صاير
وبيك من التعب مولاي
ليل ودمعه وحجايه
خايف لا عتابي يطول
وانته جروحك ولايه
وكلما تودع غالي
ترجع وجفك خالي
ولا طارش المنهم يصح
عالهادي شايل جم جرح
يابو صالح .. يابو صالح
~
الشيب ماخذ لونه منك
من كثر ما يوجعنك
يابو صالح ذكرياتك
وترسم بكل خطوه دمعه
والتعب مسموح اسمعه
بينك وبين امنياتك
من يا سالفه ابدي وياك
يا غالي واعز غالي
بيه اليوجعنك كون
وانته من الوجع خالي
عيشني مره احساسك
من دمعتك لنفاسك
ورزقني يالگلبك سمح
عالهادي شايل جم جرح
يابو صالح .. يابو صالح
الرادود مسلم الوائلي,ملا مسلم الوائلي,قصائد مسلم الوائلي مكتوبة,لطميات مسلم الوائلي,فزاعيات مسلم الوائلي,معلومات عن مسلم الوائلي,لطميات مكتوبة مسلم الوائلي,مسلم الوائلي mp3,مسلم الوائلي mp4
كلمات قصيدة ليش عالنسوان وادم هاده مسلم الوائلي
🎤 أداء: مسلم الوائلي
~~
لو ردت يحسين افصلك مصايب هالسفر
يوم ما يمكن اعدد يا شهيد ولا شهر
ذاب جسمي من الأسر ونعمت عيني من السهر
خويه هاظمني وشهرني حسين خويه بكوفته
خويه جم سوگ الدخلنه وجم مدينه وجم بلد
وجيت بيتامك عله گبرك ولا ليه جلد
وتدري رجب النوگ رايدله زلمه يركب مره
وين ابو فاضل كفيلي بله وصلني يخويه الحفرته
ليس عالنسوان وادم هاده
وشارده مجلبه بعباية شارده
حسين يبن امي تراني ماشيه
وراح وكت الراضيه ومو راضيه
صبح المصباح الاگشر والهزل جابوها
حشمت زينب بهلهه والاهل ما جوها
ليش وحدها العزيزه يخوتي تخلوها
وللضعن يراد والي و وادم يبارونه
حنة الناگه اعله حالي وعاينتني بلا ولي
وصاحت اعله النوگ هونج هاي زينب بت علي
لا الها اخوان بضعنها ولا جفيل بمحملي
وللضعن يراد والي و وادم يبارونه
باليسر ماتت رقيه وفزت وياها الجروح
هنا يبت حسين گومي انريد للوالد نروح
فدوه حاجيني اعله بختج ما بقت يا عمه روح
شرد اگله من يناشد طفلتي جا وينها
كون البواجي ترجع المات
لگضي العمر يحسين ونات
خواتك مشن كلهن غريبات
عالنوگ وينوحن عله المات
گالونه وگلنه بعدنه
بس غصبن علينه صعدنه
جابونه الزاد وبجينه
اذكرنه الحسن وتگابلينه
رمله نعت واحنه بجينه
كلمات قصيدة علي يودع فاطمة مسلم الوائلي
🎤 أداء: مسلم الوائلي
🖋 كلمات: علي مالك الموسوي
~~~~
بويه گعدوا اگبالي يا روحي وهلي
للصبح ما اضن يظل عايش علي
امكم هاي بيدي ماتت
بويه حسين روحي راحت
ها يولادي .. ها يولادي
~~~
بويه كلكم گوموا ليه
شيلوا ابوكم من مجانه
راح اموت اعله الزجيه
والگلب زايد حنانه
ماتت امكم عميه عيني
بويه كون الميت انه
انه ابجي حسين يبجي
وادري محتار بزمانه
حان موتي وگلبي هايم
بويه دافن بيدي فاطم
يا هظيمه ويا فجيعه ويا ضمه
كسروا ضلوع العزيزه فاطمه
دفعوا باب عله روحي
شلون اطيب بجروحي
ها يولادي .. ها يولادي
~~~
حسن گلبي الحگ عليه
روحت امك مو محلها
والله دنيه وهيه دنيه
وبعد شيخلص حملها
بيدي شايل روحي وامشي
ساعه احبها وساعه اگلها
هيه بس هايه الطلابه
الما گدر حيدر يحلها
شلت جدمي وطاح گلبي
امشي بس ما اشوف دربي
روحي طلعت ولتفت لله واصيح
ربي حيل انطيني ما اريد انه اطيح
مو عالبال هايه حيره
زينب هاي شده جبيره
ها يولادي .. ها يولادي
~~
بجت زينب صاح ابوها
گال جا انه شلون بيه
بويه اريد امي الحنينه
صار وكت المغربيه
منين اجيبلج يروحي
بعد ما عدنه الزجيه
هذا حالي وهذا ضيمي
لطمي يا بويه عليه
بويه مامش حيل وحجي
گابلاها وگعد يبجي
راحت وشوفي علي بيا حاله
اخلاف امج ما تبشر احواله
مال اثغيب وملاگه
ضيم وموت يفراگه
ها يولادي .. ها يولادي
~~~
دوم المفارگله غالي
هيجي حمره تشوف عينه
واكثر احجايه التهظمك
ماهو بس اتصيح وينه
مو فقط طشوا شملنه
حته مطشر حجينه
ربي كون العنده ميت
يدري نشتاگ ويجينه
وين آيتنه الكريمه
وآل هاشم صفوا هيمه
بيت كامل طفه وظل يعاني
الولد واحد طاح فوگ الثاني
گلبي شلون علي يقنع
ام البيت ما ترجع
ها يولادي .. ها يولادي
~
دوم ما تتعوض امنه
جنت اشوفن كلشي بيها
حته لو ما عدنه قبله
نوگف انصلي عليها
يا حلاة امي بزعلها
ويا حلاة امي بحجيها
تبجي جانت بس عليمن
عالولد ونها وبجيها
هيه جانت كلشي بينه
وانه اصيحلها الحنينه
بيش ينفع عمري غير الوالده
نعمه وسط البيت جانت گاعده
جنه انصيح هله يمه
هسه انموت بالظلمه
ها يولادي .. ها يولادي
~~
طلابة المغرب ثجيله
وانه گلبي بلايه والي
مني راحت كل حياتي
وشيمتي وستري ودلالي
ياهو ينشدني اعله صحتي
هاك اگله وشوف حالي
فرهدوا من عندي گلبي
وما سلم شي من حلالي
وبيه حسره شلون افضها
روحي واگف كل نبضها
كون كلمن يفگد يجبلونه
لأن يدري الشالوا يموتونه
الله وياك ما سامع
ضيم ونوح اي شابع
ها يولادي .. ها يولادي
كلمات قصيدة الدفني يم حسين مسلم الوائلي
🎤 أداء: مسلم الوائلي
🖋 كلمات: علي أكبر الغرابي
~~
الدفني يم حسين بله شجابج
وانتي اخضر بعده جرح صوابج
دفني خلي مو مهم
خوفي ضلعج ينلجم
وانتي اخضر بعده جرح صوابج
~
الليله وحشه وتجري دمعات الملامه
ويمي شفت حسين بس بلا عمامه
عليه حيدر مو دمع ينزف يتامه
وانتي عينج حمره والسطره علامه
شفتج وجان الخيال
سارح بذاك الدلال
ويعرض ابالي سؤال
يالزجيه .. يالزجيه
ليش عينج لسه حمره وطافيه
واحنه منج نشتريها العافيه
بسطرة عيونج اهم
خوفي ضلعج ينلجم
وانتي اخضر بعده جرح صوابج
~~~
شجابج بهاليل وضلوعج كسيره
محني ظهرج شفته وتگودج اميره
عمرج اثمنطعش ورده ومو جبيره
بس اشوف بعينج الاحزان ديره
شفتج اگبالي وبجيت
ودورت بس ما لگيت
مثل جرحج وستحيت
يالحبيبه .. يالحبيبه
شجابج بهاليل والمن جايه
وانتي مذبوحتلج اشجم آيه
بجيتج عندي علم
خوفي ضلعج ينلجم
وانتي اخضر بعده جرح صوابج
~~~
جنة منكم ما نريد ولا عطيه
كون بس راضين يالزهره عليه
يكفي اذا عني تگولون الوفيه
خادمتكم وافخر بهاي الهويه
بس رضاج وما اريد
حته احس بروحي عيد
ودمعتي ساعي بريد
يالأميره .. يالأميره
هيه دنيه وبالمدامع گاضيه
عليه يم حسين اريدج راضيه
بجيتج روحي تهم
خوفي ضلعج ينلجم
وانتي اخضر بعده جرح صوابج
كلمات قصيدة سوالف الفركة مسلم الوائلي
🎤 أداء: مسلم الوائلي
🖋 كلمات: حمزة الحسناوي
~~~~
شيقنعه گلبي الما سمع بسوالف الفرگه
خيطته جرحي بها يجي والما يجي تفتگه
گلبي الولا شايف جفه لو ملگه لو ملگه
شتفيده من يشتم هوه والمغرب يخنگه
ما صدگت يحسين من عندك جروحي
وانته الجنت وياي اقربلي من روحي
يا بعد عمري وبنيني بنيني بنيني
فدوه الك كونك تجيني تجيني تجيني
~
لو شده تگضي بيا علي وحسبها مگضيه
انه البقت ثوب ودمع بس روحي ما هيه
من تعطش اعطش وحدي يبني العشگ نيه
هنه السيوف بمنحرك بس الوجع بيه
لا بالبزر يحسين لا افكر بناسي
وطيوفك من اتفوت اشبگهن براسي
يبني وصيت النشامه النشامه النشامه
لحد يردلي بسلامه بسلامه بسلامه
~~~~
ماكو اكبر من الماكو احد وانته اكبر هوايه
گالولي تعطش والنهر عنك يظم مايه
بس انته ابن ذاك اليحط فوگ الرگب رايه
نحرك نزف حد ما طلع من عنده مشايه
باجر مناره اتصير وتخضر الهيمه
ويرجع گمر عباس غصباً عله الغيمه
وانه ولدي وتعب اديه اديه اديه
انته اعز منهم عليه عليه عليه
~~~
الليله هم محد يجي وهم ابقى محتاره
وهم اطلع انشد بس ارد ما احصل ابشاره
وشلون ارد مثل الرجع ما ماخذ بثاره
كون انگطع نحري وعلي ولا گطعت اخباره
يعبر عليه الليل ويفزز ونيني
ما يگضي إلا اتطيح من الدمع عيني
ياهو من عدكم مشاله مشاله مشاله
ياخذ عيوني برساله برساله برساله
الوائلي,مسلم الوائلي,مسلم,ملا مسلم,الوائلى,وائلي,سيد محمد الفالي,وائلى,شيخ علي المياحي,الامام,المشايه,الإمام الحسن المجتبى ع,محمد الموسوي,قناة الشعائر,عمار الكناني,الإمام الحسين,الامام الحسين,شيخ صلاح الطفيلي,علي,سيد علي الطالقاني,يوم7من محرم الحرام,قصائد,العراق,الزيارة,شيخ زمان,الاربعين,بين الحرمين,السيدة زينب,يرسملي طولك,بيات ديجيتال,زينب الحوراء,موكب العقيلة,قحطان البديري,تكعد لو سوه نموت,شيخ اسعد الخطيب
كلمات قصيدة طيف المنيه مسلم الوائلي
🎤 أداء: مسلم الوائلي
🖋 كلمات: علي أكبر الغرابي
~
سافر يا هوى اعله حسين
.. وبمرسالي توصله
وآخر جلمه بالمكتوب
.. عن ام الوفه اتگله
طيف المنيه .. سير عليه
ام الوفه اتگله .. ام الوفه اتگله
~~~
آه يا هوانه مكتوبي امانه
اليوسف زمانه من ام البنين
سومر جفنها بغياب ابنها
ويرسم حضنها تعب السنين
وليل الهجر من طبعه مر يخلص وعيده
ومدري شكثر صار انتظر ساعي بريده
بظرف الشوگ للمحبوب
.. احمل يا هوى احزاني
وگله ام البنين اتگول
.. ميته بيوم جافاني
وسهم الوصيه .. سير عليه
ام الوفه اتگله .. ام الوفه اتگله
~~~~
عشت بغيابه وگفه اعله بابه
وانظر سرابه ووگف واصيح
وحشه الليالي الما بيها غالي
وصرت بخيالي اعثر واطيح
رغم الجفه بس ما غفه جفني بمنامه
هلبت يرد من البعد خله بسلامه
بأخر نفس وشتاگيت
.. اسمع منهم احجايه
من يوم الضعنهم سار
.. ظلمه بعيني الولايه
وجف الرزيه .. سير عليه
ام الوفه اتگله .. ام الوفه اتگله
~~
كل ذكره منه تحجيلي عنه
كل المحنه وگالولي مات
عشت انكساري بنار انتظاري
وانه ادري عاري يم الفرات
عشت بأمل بس الزعل تارس حياتي
وبيه الهله من كربله الباب امنياتي
مر بيه وجزاني الشيب
.. بس حسين ما مرني
وانه دموعي والحسبات
.. وليل الفرگه كاسرني
الما ردته بيه .. سير عليه
ام الوفه اتگله .. ام الوفه اتگله
~~~
وفر سلامي الحضرت امامي
واختم كلامي بدمع العيون
يم نحره سكته تحجي الكتبته
وتحلفه بأخته يقبلني كون
يقبل ردت لو قصرت مني اعتذاري
راح اندفن جان الحزن ثوب انتظاري
من حسين جيب وياك
.. من ترجعلي مكتوبه
ولو شح ثوبه مره عليك
.. رد ليه بعطر ثوبه
وسيف الخطيه .. سير عليه
ام الوفه اتگله .. ام الوفه اتگله
~~~~
جف المنيه خيم عليه
ودموعي بيه ترسم تعال
ويحضر وريده يدفني بيده
لو هم بعيده من الخيال
ويم النحر آخر سطر من الرساله
مات الوفه وام الوفه فدوه الخياله
من توصله بالمرسال
.. وتشتم يا هوى بعطره
يم نحر العشگ والشوگ
.. بخ دموعي يم نحره
ودمع الرزيه .. سير عليه
ام الوفه اتگله .. ام الوفه اتگله
كلمات قصيدة هالليله فرحتنه سوه مسلم الوائلي
📜 القصيدة: هاليله فرحتنه سوه
🎤 أداء: مسلم الوائلي
🖋 كلمات: علي أكبر الغرابي
~~~
هاليله هاليله بميلاد الضوه
هاليله هاليله فرحتنه سوه
البت حيدر الكرار فرحتنه سوه
~~~
الليله بت أهل الضوه ميلادها
وربنه سواها مثل ما رادها
بني هاشم بالفرح واسيادها
زينبيه الليله كل ميعادها
بدمعات الفرح
گلبه انشرح .. حيدر زمانه
بجلمات الهله
والبسمله .. اذن اذانه
والفرحه والفرحه بدار المرتضى
والفرحه والفرحه عمت بالفضه
لآل النبي الأطهار فرحتنه سوه
البت حيدر الكرار فرحتنه سوه
~~~
تضحك عيون النبي ومن شالها
شاف من نور العرش تفصالها
تشبه الزهراء بكل افعالها
ويستحي يصد الها حته اخيالها
بت حامي الحمه
ومن فاطمه .. شالت معاني
وبيها ام الحسن
طول الزمن .. ترسم اماني
نحييها نحييها ليله من العمر
نحييها نحييها بسم ام الخدر
ونلتم ازغار اكبار فرحتنه سوه
البت حيدر الكرار فرحتنه سوه
~~~~
هيه زينب هاي من اصيارها
ربنه من العفه سوه انوارها
للشرف صارت مثل بخبارها
الهوه يستأذن يطب الدارها
كل معنى الشرف
بيها انعرف .. بت الزجيه
من رب السمه
الحامي الحمه .. اعظم هديه
محسوبه محسوبه نبضات العشگ
محسوبه محسوبه لليفرح صدگ
كون بدمعنه الحار فرحتنه سوه
البت حيدر الكرار فرحتنه سوه
~~
جان حيدر بالصلاه محرابها
الدنيه فدوه الخيط من احجابها
الشرف سائل يوگف اعله ابوابها
امراد رايد ياخذ من اترابها
تتوضه اللسن
لأم الحزن .. من تحجي عنها
اول ما بدت
وتكونت .. بين حزنها
ويانه ويانه العايش فرحته
ويانه ويانه نزلت دمعته
باجر تظل تذكار فرحتنه سوه
البت حيدر الكرار فرحتنه سوه
°°°°°°°°°°°°°°°°°°°°°°°°°°°°°°°°°
اليجي يزورج ملك وبكيفه يتشرط
ويرد متروس منج لحد ما يفحط
يم بابج لگيت الكرم مثل الشط
يغرف ويشيل المد أيده
~
جم حاتم بحاتم من وصل دارج
وتدافع لگه اعله الباب خطارج
استحه وضم روحه جوه افياي زوارج
ويم بابج ضم روحه بروحه
كلمات قصيدة شيعتج وفايه مسلم الوائلي
🎤 أداء: مسلم الوائلي
🖋 كلمات: علي أكبر الغرابي
~~~~
ترف بيدي الرايه .. تحمل اشجم آيه
بسمج مسمايه .. يا فاطمه
~~~~
ابنج المهدي وأبد ما ناسي ثاري
منتظر أمر الله ويسولف فقاري
باجر ابني دولتي بسيف انتصاري
وضلعج المكسور يالزهره شعاري
والنصر تأكيده .. ضلعج وتأييده
فتوى عندي بهايه .. يا فاطمه
~~~~
باجر ابنيلج گبر واسع مزاره
گبتج مو من ذهب لازم حضاره
وراح اخلي جفوف عباس المناره
واكتب اعله الباب مقبوله الزياره
واليجيج بحاجه .. يرد لابس تاجه
لو نطق بحجايه .. يا فاطمه
~~
باجر انشر بالسمه راية صمودج
يلي ما يوم انطفه كوكب خلودج
يا سبب تكويني من علت وجودج
الله خالقني يمولاتي اعله مودج
عهد بيني وبينج .. إلا أرد بدينج
وانه راعي الثايه .. يا فاطمه
~~~
الفرج يالمهدي الفرج صوت المجالس
صرخت الشيعه وعشگها بلا منافس
وبعزائج حاضره وسود الملابس
لجن بيضه گلوبهم مثل النوارس
بالفرج دعواهم .. وانه ادعي وياهم
شيعتج وفايه .. يا فاطمه
~~~~
بگلبي شايلج جرح ما صح نظيره
ومثل ضلعج روحي لمصابج كسيره
غداً تسطف الخلگ وانتي الأميره
يروح وين الخانج وبايع ضميره
اي وحگ دموعج .. ما نسيت ضلوعج
بالدمه امحنايه .. يا فاطمه
كلمات قصيدة ام عباس تكضيها مسلم الوائلي
🎤 أداء: مسلم الوائلي
🖋 كلمات: علي أكبر الغرابي
~~~
لو رايد اطلب حاجتك
.. ام عباس تگضيها
والطلبه گبل احجايتك
.. ام عباس تگضيها
بس يمها تعگد رايتك
.. ام عباس تگضيها
اليعگد الرايه .. تفرج لو بسمها
~~
احجي الثگال ابابها
.. ام عباس تگضيها
ما يرد جف طلابها
.. ام عباس تگضيها
ما تبخل اعله احبابها
.. ام عباس تگضيها
ما يرد خالي .. جف الي نخاها
~~~~
الدنيه وضجيج احزانها
.. ام عباس تگضيها
شما ثگلت بميزانها
.. ام عباس تگضيها
الشاهد گمر عدنانها
.. ام عباس تگضيها
مدافع ابابه .. ويحلفونه بمه
~~~
كل محنه باجر طايحه
.. ام عباس تگضيها
بس نقره ليها الفاتحه
.. ام عباس تگضيها
جم شده شفنه البارحه
.. ام عباس تگضيها
الطايح بشده .. يقره الفاتحه الها
~~~
بصحن الكفيل ونوره
.. ام عباس تگضيها
كل حاجه ما ميسوره
ام عباس تگضيها
وكت الشدد مشكوره
.. ام عباس تگضيها
تضحك عيونه .. اليوصل باب ابنها
~~
الثگلت عليها ذنوبها
.. ام عباس تگضيها
الرادت ستر لعيوبها
.. ام عباس تگضيها
كل جمعه يم محبوبها
.. ام عباس تگضيها
يرجع الرايح .. يمها بلا ذنوبه
كلمات قصيدة العشك مابي نهايه مسلم الوائلي
🎤 أداء: مسلم الوائلي
🖋 كلمات: علي أكبر الغرابي
~~~
.. من گبرج للباب
.. شايل ديره اعتاب
من يوم الهاجرت عيونج
ما مر عيني الوسن
دورت وما صار اگبالي
غير عيونج وطن
شايل ديره اعتاب
شايل ديره اعتاب
~
العمر لحظه بغيابج
متت وگفه اعله بابج
عشت لوعة مصابج
فاطمة .. فاطمة
والتكتله المشاعر
يموت بجرحه باجر
اذكرج وبقى حاير
فاطمة .. فاطمة
طيف عيونج ما جافاني
حيدر دونج واحد ثاني
.. انه اول معشوگ
.. بنار الحب محروگ
وعيونج ما تسوه احلامي
الما بيها ام حسن
دورت وما صار اگبالي
غير عيونج وطن
شايل ديره اعتاب
شايل ديره اعتاب
~~~
بغيابج حالي جنه
حضن مابي محنه
عمر وشباقي منه
بالهجر .. بالهجر
بمواعيدي واتاني
بصده المامش خذاني
بسنه تمر الثواني
بالهجر .. بالهجر
حيدر بعدج مدري شلونه
كل سالفته من عيونه
.. وعن عين الشمات
.. ضميت الدمعات
وسنيني الما بيها ايامج
ما اريدنهن لأن
دورت وما صار اگبالي
غير عيونج وطن
شايل ديره اعتاب
شايل ديره اعتاب
~~
منو اليفهم حجيها
اذا مو انتي بيها
تسامرني بجيها
دمعتي .. دمعتي
العشگ ما بي نهايه
ولا يعرف بدايه
وتخط اجمل روايه
دمعتي .. دمعتي
واذكر جانت اخر نظره
من عيونج بس منكسره
.. واوگف كلما اطيح
.. واركض مثل الريح
لو مر طاريج يالزهره
دمعاتي اتسابگن
دورت وما صار اگبالي
غير عيونج وطن
شايل ديره اعتاب
شايل ديره اعتاب
~
يسالفتي الوحيده
وعشگ گلبي ونشيده
صدگ صارت بعيده
شوفتج .. شوفتج
اليحب من طبعه لازم
يظل كل عمره هايم
وانه بعيوني راسم
شوفتج .. شوفتج
بيت احزاني بلون دموعج
يرسم صوره عن ضلوعج
.. ما جانت عالبال
.. نتفارگ بالحال
دمعاتج ودموع عيوني
بالمحسن يلتقن
دورت وما صار اگبالي
غير عيونج وطن
شايل ديره اعتاب
شايل ديره اعتاب
~
ضعت بين امنياتي
ودور عن حياتي
ولگيت بذكرياتي
بس ألم .. بس ألم
بمحطات انتظاري
وگفت ودمعي جاري
وعرفت الدنيه ثاري
بس ألم .. بس ألم
يلسافرتي بذني احلامي
ابقه اخلافج بالحب ضامي
.. البايگ عمره الشيب
.. جرحه بموته يطيب
وسنين الغربه العشناهن
بالهم يتشابهن
دورت وما صار اگبالي
غير عيونج وطن
شايل ديره اعتاب
شايل ديره اعتاب
كلمات قصيدة يا ام الحسن مسلم الوائلي
🎤 أداء: مسلم الوائلي
🖋 كلمات: المرحوم ملا عطيه الجمري
~
مظلومه يا زهراء
محرومه يا زهراء
~
يم الحسن بطلي الونين وجاوبيني
شوفي اولادج بالبواجي مذوبيني
گالت يحيدر فرقوا بينك وبيني
بوداعة الله مسافره عنك يبو حسين
~~~~
من هالمرض ما اشوف يا حيدر سلامه
تزوج عگب عيني يبو حسين بأمامه
بس هالله هالله عگب موتي بهاليتامه
سكن خواطرهم ونشف دمعة العين
~
وجمع اصحابك عگب موتي وجهزوني
وطلعوا الجنازه بليل خفيه ودفنوني
واللي اكسروا ضلعي وبالباب اعصروني
لا يحضرون اجنازتي يمشيد الدين
~~~
ما قصروا يالمرتضى رضوا ضلوعي
لليوم من ضرب الرجس ما سكن روعي
وبعدي عله المختار ما نشفت دموعي
طبلي ولطمني فوگ خدي ومحجر العين
~~~
خبري ابوج المصطفى بلي جره وصار
من كسر ضلعج والضرب والجزل والنار
خبريه عن حالي وخبري بهجمت الدار
وبلغي سلامي المصطفى خير النبيين
~~~
دخلوا عليها اثنين يبدون الندامه
والكل منهم يبتدي التوبه بكلامه
ينادون يا بنت المظلل بالغمامه
عنه اصفحي يعزيزة المختار ياسين
~
حولت للحايط وجهها كوكب النور
صاحت مخليتوا من التلويع والجور
هيهات ميطيب الگلب والضلع مكسور
هذا جرح صدري وهذي حمرت العين
كلمات قصيدة دخيل ابو الحسن مسلم الوائلي
🎤 أداء: مسلم الوائلي
🖋 كلمات: محمود الموسوي
~~~~
دخيل ابو الحسن ودخيل فقاره
~~~~
حيدر حيد حيدر ..
نار يصير من يزعلن عيونه
الشايل باب خيبر ..
دخيله والدرع ما كفه بمتونه
لو طب الغضنفر ..
يردم بالحرب لمن يلاگونه
حيدر من يهد بالسيف يا ناس
شيسوي بزلمها الأبنه عباس
ميدان الهواشم تشتعل ناره
دخيل ابو الحسن ودخيل فقاره
~~~~
دخيل الزهره لو هد ..
تحتار الزلم لو طب علي ليها
يسوي بروسهم حد ..
ورگاب المعارك يسحگ عليها
النار شلون تبرد ..
خيال بخزرته العركه يگضيها
حيدر من يطب تگضي الميادين
كلها اتصيح اشردوا طب ابو حسين
الجن يخاف من يشوف بتاره
دخيل ابو الحسن ودخيل فقاره
~
الحگ والطلابه الحگ ..
تطلب ثار وانته الثار راعيه
بيت الله العلي انشگ ..
واهل السمه يحجون بمحاجيه
گوه العاص لحگ ..
ذب هدومه لمن سمع طاريه
حيدر مو سهل طارينه ينجاب
للسبعه وصل من شمرته الباب
من بيت الله طالع يعني خطاره
دخيل ابو الحسن ودخيل فقاره
~
لو طب موت احمر ..
عزم الله بيمينه ورايه بشماله
صفوف الجيش تنطر ..
بالنص من يطگ يگسم الخياله
بالشدات يحضر ..
واليحضرله حيدر الف هنياله
حيدر شيخ فوگ السبعه والگاع
جي ذكره عباده انذكره كلساع
يحضر بالشدد للمالهم جاره
دخيل ابو الحسن ودخيل فقاره
~~~~
غيم غيض غيم ..
غيم اسود يطبها وترجف الحومه
لو غار المشيم ..
خيال الكلافه اتخوف علومه
عنده العيد مردم ..
واليشرد اگباله محد يلومه
عاده اليشرد من المعركه عار
مو عار الشرد من علي الكرار
سيفه بالحرب خلاها طشاره
دخيل ابو الحسن ودخيل فقاره
°°°°°°°°°°°°°°°°°°°°°°°°°°°°°°°°°
كلمات قصيدة لحكيلي يمه فاطمة مسلم الوائلي
🎤 أداء: مسلم الوائلي
🖋 كلمات: ابو حميده الشويلي
~~~
ويلاه يا فاطمة .. ويلاه يا فاطمة
~~~
طفله وعمري خمس سنين
وشفت الزهره بين النار
منا امي جاي اتموت
ومنا غربه وين اندار
من شفت الحرگ عالباب
گلت باجر يشب صيوان
من داسوا حدود البيت
گلت باجر اطب ديوان
ويلاه .. بخامس سنيني اتعذبت
ويلاه .. اتطيح امي گدامي شفت
ويلاه .. واسمع شتم جدي الرسول
عالباب .. اتلث ميه اجوها بالحطب
عالباب .. لا غيره عدهم لا اكو رب
عالباب .. كسروا ضلع امي البتول
بخامس سنه وحيلي انهدم
شحال اذا توگع خيم
~~~
كل ليله امي گدامي
تتلوه وألمها يزيد
من تدعي بصلاة الليل
ما تگدر تشيل الأيد
امي وهاي حالتها
حگي من ابجي ما ألام
تون من لوعة البسمار
ما خلاها حته اتنام
مكسور .. خاطرها من كلمة وأن
مكسور .. ضلع امي والدنيه حزن
مكسور .. گلبي عليها وگمت اصيح
شيفيد .. وضلع امي ما اضنه يطيب
شيفيد .. وحيدر علي اگبالي غريب
شيفيد .. من يمشي كل خطوه يطيح
اسمع ابوي هنا حجه
يا فاطمه صاح وبجه
~~~
امي اگبالي اشوفنها
تغطي بجفها جي محروگ
معناها انه هم باجر
اضم جفوفي فوگ النوگ
بعدني بخامس سنيني
وشفت السطره فوگ العين
گلت يا روحي شيظل بيج
لو صار العمر خمسين
لو صار .. يا روحي خمسين العمر
لو صار .. جدمي يدوس اعله الجمر
لو صار .. بعاشور جا شيظل عليج
يا روح .. موتي قبل لا تنسبين
يا روح .. باجر تره ايطيح الحسين
يا روح .. ويلتف حبل فوگ اديج
بداري اهوم ولا فله
باجر اضيع بكربله
~~~
راحت امي من البيت
وصار اظلم نهار البيت
ابجي وادري ما ترجع
بس زغيره وگلت ياريت
اول ليله مرت خوف
بدون امي وثگيله هواي
بعد عندي حزن ودموع
والله يستر من الجاي
ظليت .. ادعي الله لو يطلع حلم
ظليت .. ترجعلي امي تبتسم
ظليت .. كل ليله ابجي وانهظم
يا باب .. بشرني لو امي اجت
يا باب .. گللها زينب ما غفت
يا باب .. شلون اكبر وما عندي ام
هذا العمر مابي طعم
المن يعيش الماله ام
~~~
ظليت اعله هذا الحال
ليليه ابجي ما ظل حيل
كبرت دمعتي وهظمي
وشفت ابن امي جوه الخيل
كبرت ودمعتي بعيني
وكبر بيه الهظم والنوح
الربيت وياه وعشت وياه
شفته بكربله مذبوح
مذبوح .. الجبت العمر وياه سوه
مذبوح .. من الگفه بطف نينوه
مذبوح .. بصف النهر ميت ضمه
ناديت .. يا فاطمه يمه اشبعد
ناديت .. لا ظل اخو ولا ظل ولد
ناديت .. لحگيلي يمه فاطمه
شوفي شعمل بينه الزمن
ضاعن بنات ام الحسن
كلمات قصيدة خل انشيع ام حسين مسلم الوائلي
🎤أداء: مسلم الوائلي
🖋 كلمات: محمود الموسوي
~~~~
خل انشيع ام حسين يا ناس
ونشيل الجنازه انحطها عالراس
~~~
جابولج نعش وانتي اثمنطعش
عمرج يم حسن آه يالحنينه
مكسورة ضلع بابج يندفع
وعيونج طفن رحتي من ادينه
بالعيون مصابج يزهره يا غريبه
ولگينه اعله بابج اثر للمصيبه
حيدر وحده وتعبان ابو حسين
مو حيل المصيبه اتريد حيلين
~~~
تابوت العشگ حيدر مختنگ
ظهره المنكسر شال الزجيه
يمشي وما گدر خطوات وعثر
جا تالي العمر دفنج بديه
علي يصيح تره الباب كسر كل حياتي
مشه وطاح ابو اتراب مشت كل ذكرياتي
راحت من ادينه الزهره ويلاه
الله يعين حيدر محد وياه
~~
عيون ام الحسن يالساده انطفن
ما صاحت علي صبرت عالفجيعه
المحسن والضلع ما يكفي الدمع
حرمه وتنولي عالباب الوديعه
دوت نار عله الدار والآثار بديها
طفل راح والارماح تلاگن عليها
وين اهل اللطم وين اليشيعون
لتشييع الزجيه خل يحضرون
~~
زهره وما غفت عصروها وطفت
عالباب انجفت هيه وضواها
من حزن الحزن غربه وتندفن
مهظومه وتون كسروا گفاها
تروحين والحسين وراه خيل يزهره
تونين تصيحين انسحگ يا يمه صدره
ضلعج والجذع نيشان تدرين
باجر خيل تسحگ فوگ الحسين
~~~~
يا روحي وهلي تعبتي علي
افراگج مو سهل طول ام حسن راح
باجر كربله تسبي العايله
زينب عالهزل و ولدج عالرماح
مصابج وداعج بده وصار سبيه
اعله بابج والغياب خيم تدوي بيه
باجر زينب اعله الناگه يا ناس
باجر بالغرب لو طاح عباس
اضغط هنا لمتابعتنا على التلكرام
كلمات قصيدة لكباله امه اتموت مسلم الوائلي
🎤 أداء: مسلم الوائلي
🖋 كلمات: عباس طالب السعيدي
~~~~
لگباله امه اتموت ويده بديها
ليش الصبح تلگاه يدور عليها
تمشي الجنازه ويلحگها سكته
شيسوي معذور غير امه ميته
لگباله امه اتموت .. لگباله امه اتموت
~~
زاد بلا ملح مو فاهي مرات
بلايه الأم يصير الزاد فاهي
وكض زينب حزنها وگوه تنشاف
يمهم گاعده يگولون ماهي
لو ما زينب ازغر منها بهواي
جا محد يعرف الميته ياهي
من شافت التابوت اجه يشيل الزجيه
صاحت يالحسين شوكت امشي سبيه
نزلوا النعش وحباله خلوهن بديه
من شافت التابوت جابت حصيره
گلتله يله حسين شوف النه ديره
الفاگد عزيزه وما كف دمعته
شيسوي معذور غير امه ميته
لگباله امه اتموت .. لگباله امه اتموت
~
اليروح بلا وداع يروح مكسور
غريب يعيش كلما ناس يلگه
الهظم زينب وداع امها بالعيون
لأن كسر الضلع ما ينطي شبگه
محد غمض عيون ام الحسين
من گد ما مورمه وحيل زرگه
يتوادعن مثل المطر والغيمه گوه
وحدتهن تحاجي الگلب يا گلبي تگوه
مو سهله اليفارگ محب وگباله توه
مو كل حرگ يا ناس بالماي يطفه
حرگ الگلب سر بير محد يعرفه
العاش بضوه امه وطفوا شمعته
شيسوي معذور غير امه ميته
لگباله امه اتموت .. لگباله امه اتموت
~~~~
علي شال الجنازه وركضت ام عون
وطلع من ظهره عباس ولحگها
وراج اركاض ارجعي يگلها عباس
تگله التركض وميته امها حگها
يزينب وانه بالذر خايف عليج
وگول حسين هنياله شبگها
حيدر يگلها امج ضلع يلجمها ارجعي
گالتله وخر البي كسر ونطيها ضلعي
لو اگدر ارجع جا رجع لعيوني دمعي
خليني يا دفان يم امي وحدي
وحلفلك شما اخاف ما اگلها اگعدي
طايح بديها لو گلبي شفته
شيسوي معذور غير امه ميته
لگباله امه اتموت .. لگباله امه اتموت
~
تره كبروا سوه زينب والغروب
ومحد يدري ياهي المغربيه
بده يكبر حسين ويزغر الماي
لحد ما خضرت بالطف رقيه
المغرب صار ليل اهدعش يا ناس
وزينب صار اسمها الخارجيه
من دفعوا الباب ونزف محسن دلاله
عبد الله صاح من السمه انه ابداله
اليشبه علي بسمار اجه وخرب جماله
كلما يمر خطار عالباب يلگه
استأذن الزهراء يله تدگه
المحترگه روحه وكبرت جمرته
شيسوي معذور غير امه ميته
لگباله امه اتموت .. لگباله امه اتموت
~~~
متغيره منهد موت ام الحسين
والمگابلته گال امنين هايه
البياض البلعبايه مو للتراب
هذا الشيب طالع بالعبايه
تحركها المصايب وين ما جان
مثل زينب ولا متحركه رايه
من ماتت الزهره وصل زينب خبرها
گام اعله حيله الطف واجه يكسر ظهرها
دفعوا سماها وطاح من عدهه گمرها
كلما يمر الليل عالهاشميه
تعرض صور للخيل كلها اعوجيه
اتصيح العقيله ضلع الكسرته
شيسوي معذور غير امه ميته
لگباله امه اتموت .. لگباله امه اتموت
كلمات قصيدة اصول الحب مسلم الوائلي
🎤 أداء: مسلم الوائلي وعلي الوائلي
🖋 كلمات: براق الخاقاني
~~~
حبيبتي يا فاطمه
~
من بعد شوگي والسلام
سئلي عيني الما تنام
تالي اول من اسلم ما تگومين وتجين
ما نشف دمعي بغيابج يا عشگ كل السنين
يحنلج كلشي ظل بيه جرف ومفارگ نهر
اعله وجهج شامر النيه ملاك بهيئة بشر
جنه طيور وعيونج عله العش جانن گمر
صوفر بوجهي الدلال وخضر الهم والدمع
والورد مو للتراب ولا تطگه ويندفع
كلشي ميت بيه عگبج بس ضواج الما يموت
من كثر ما باجي لجلج بس أشر ماكو صوت
~~~~
تالي اول بيه هاي
امشي وتلفت وراي
الليل وحشه الدنيه وحشه كلشي اظلم من وراج
لا بواجي لا نعاوي بسكته من شيعوا ضواج
اميل منهد ما شلتج ومتني البنعشج هدل
حرام الما تهل عينه عله فاطم خير العمل
وانه ذبيت العمامه وعليج الون هل ثگل
ضلوعي والحدر الضلوع حنن ونن عليج
وكل حجي يمر ماله ذوق ذاني تستطعم حجيج
حته خاجيتي بغيابج ثگلت ابمتني وتطيح
بيه مدري اشسوه فگدج گمت اميل بلايه ريح
~~
بعيني كل الدنيه ليل
گوه اجيتج مالي حيل
مو هذاك الجان يمج كلشي بعيونه اختلف
راح اعوف انه المدينه وانطي وجهي اعله النجف
بعد المن اظل بيها الاحبهم كلهم مشوا
غالي مجلب بغالي ضوه ومن عيني طفوا
عليمن اشمر عيوني اذا وادم سيرو
بجاهج أرد ادعي إلهي وانتي سمعي شرد اگول
ربي لم بيتي ارد اروحن خوفي لا عمري يطول
هو هيج الحب اصوله كل محب يوفي الحبيب
اليبقه جرحه بلايه نيه محير الطب والطبيب
~
صافن وعيني تهل
لا انه ميت لا عدل
رحمي حالي يا دلالي وگومي خل نمشي ونرد
ومني هايه اخذيها جلمه لا باب احط ولا اسد
عفت دمعه اعله عتبتنه رسايل عش محترگ
وانه الما احطن بريتي عداج شما اختنگ
الوادم ما تعرف الله ولا تعرف للعشگ
گلبي صار وياج موته وهسه ينبض ذكريات
هنا ضحكنه هنا گعدنه هناكه دفعوا الامنيات
ما مشه الدم بوريدي اسمج البيه يدور
وانه شاتل روحي يمج عالگبر شتلت بخور
~~~~
هسه اضلن مدري اروح
زينب ابابج تنوح
وانه ادري تموت هيه شتحمل افراگج جفاي
وباجر ولا جاها باجر شتصير شيگضيها هاي
تظل ولا يظل احد ولا ام ولا ابو
المشت بخوانها التسعه تظل بعازة اخو
خل الحگ وارد الها لا يلفيها العدو
صح بردتي وما برد ثارج ويه المنتقم
الله ما رخصلي هايه إلا ما اخلي زلم
باجر ابنج بيده ثارج واحنه ندعليه الفرج
ربي عجل بالظهور خاتم اولاد الحجج
كلمات قصيدة اتكوم لو لا مسلم الوائلي
🎤 أداء: مسلم الوائلي
🖋 كلمات: علي مالك الموسوي
~~~~
ها حسين بگلبي جلمه وراده
وحگ عينك خويه اجيتك شارده
اتگوم لو لا ...
فدوه بس جزي بناتي اتگوم لو لا
اتگوم لو لا ...
لامه الدنيه ابعباتي اتگوم لو لا
صح انته طايح وادري مهظوم
بس انه اجيت ولازم اتگوم
مثلوم گلبي وجبدي مثلوم
لا شفتك ولا شايفه النوم
اتگوم لو لا ...
شوف كضولي الثنيه اتگوم لو لا
اتگوم لو لا ...
خذوا من عندي رقيه اتگوم لو لا
~
خويه جا ينطيك گلبك غافي
عاد گللهم خطيه وكافي
ما عرفناه ...
حسين موش حسين روحي ما عرفناه
گلبيناه ...
ماكو شي ما ساحگينه گلبيناه
كون اگدر احجيلج عليه
وشگاعد يسوون بيه
شما اصير زين وهدوا الخيل
يسحگونهن ومجتفه اديه
ما لگيناه ...
شكثر دورنه اعله جسمك ما لگيناه
تعبيناه ...
وگاموا يصيحون كلهم تعبيناه
~~
صدگ صارت بعد ما نتلاگه
شوف زينب راكضه ومشتاگه
علي وياه ...
موش بس حسين ذبحوا علي وياه
طشريناه ...
زينب اتلم همه صاحوا طشريناه
كلشي البالك خويه سووه
حته مهد عبد الله حرگوه
كلما طفل يشتاگ لحسين
جابوله راسك خويه راووه
حضريناه ...
سوگ كامل للعلاوي حضريناه
غاد وهنا ...
هو نفس الضيم زينب غاد وهنا
~
حجي يتعب بس اريد احجيها
عمامتك شفت الدمه غاطيها
زينب احاه ...
ميت وصاح ابو فاضل زينب احاه
گتله ويلاه ...
وين عينك وين جفك گتله ويلاه
يابو العيون الواسعه هواي
جدامهم بس اوگف وياي
الما طالعات ابابهن شوف
نسوان هاشم كلها حفاي
عاتبيناه ...
تدري خويه انته النحبه عاتبيناه
موتي هنا ...
شلي بالشام انه اريدن موتي هنا
~
خويه وصلوا فتش عويناتك
لابدات بسدك ابنياتك
اتگوم لو لا ...
ادري تعبتك يجبدي اتگوم لو لا
اتگوم لو لا ...
لجن غيرك ياهو عندي اتگوم لو لا
مابيه اگون وداعت ام عون
بس وخري عنهم خل يسحگون
وآ حسيناه ...
رايحه وضليت اثغب وآ حسيناه
مات عفناه ...
عدل بس من گتله اروحن مات عفناه
°°°°°°°°°°°°°
كما يمكنكم مشاهدة المزيد على موقع درون العراق
قصائد مسلم الوائلي,اجمل قصائد مسلم الوائلي,تحميل قصائد مسلم الوائلي,قصائد مسلم الوائلي مكتوبة,قصائد مسلم الوائلي مكتوبة طبيعيه اليحب معذور,قصائد مسلم الوائلي مكتوبه طايح بين خيالة,قصائد مسلم الوائلي مكتوبة ديوانك,قصائد مسلم الوائلي مكتوبه ساجيني حزنك,قصائد مسلم الوائلي مكتوبة تلكرام,قصائد مسلم الوائلي مكتوبه كتابه,قصائد مسلم الوائلي مكتوبة ياعلي عيونك محطات,مسلم الوائلي,قصائد باسم الكربلائي,قصائد باسم الكربلائي مكتوبة,يا مسلمون تأهبوا فالكافرون تألبوا,القصائد,قصائد كاظم الساهر,قصائد الكوماني,.قصائد مسلم الوائلي mp3,قصائد ملا مسلم الوائلي mp3,قصائد,قصائد حسينيه,قصائد مشهورة,قصائد الزير سالم,قصائد مسلم الوائلي 2021,قصائد مسلم الوائلي 2020,قصائد مسلم الوائلي 2022,قصائد اسلامية